Ludoteka.comLudoteka.com

Español
Euskaraz
English
Français

1253 jokalari konektaturik

TxintxonTxintxon


Deskribapena

Helburua

Jokoaren garapena

Hasiera

Kartak jokatu

Kartak lotu

Eskua itxi

Kartak ipini

Eskuaren kontaketa

Kanporaketak eta itzulerak

Partidaren amaiera

Ludotekan jokatu

Informazio gehiago

Txintxon: Jokoaren argazkia

Deskribapena

Txintxon, espainiar karta-sortako jokoa da eta 40 edo 48 kartakin jokatzen da. Aukeran, komodinekin jokatzea ala ez erabakiko dute partaideek.

Bi jokalari edo gehiagok parte hartzen dute, eta bakarka jokatzen da.

Hemen eskaintzen den bertsioan bi, hiru edo lau jokalari elkar jokatzeko aukera dago.

Helburua

Partidaren hasieran partidaren muga izango den puntu kopurua zein den erabakiko da. Muga hau gainditzen duen jokalari bakoitza kanporatua izango da. Jokalari bakarra geratu arte (gainontzeko jokalarien kanporatzearen ondorioz) behar izango diren adina esku jokatuko dira.

Esku bakoitzean jokalariak duen helburua, ahalik eta puntu gutxien batzea da. Horretarako, bere kartak lotu beharko ditu bere aurkariak baino lehen.

Jokoaren garapena

Hasiera

Zozketaz erabakitzen da kartak hasieran nork banatzen dituen.

Kartak banatzen dituen jokalariak kartak nahasi eta bere ezkerrean dagoen jokalariari emango dio karta-sorta, azken honek moztu dezan. Ondoren, zazpi karta banatuko ditu jokalari bakoitzari bere eskuinean dagoen jokalaritik hasita eta kartak banaka-banaka banatuz.

Jokalariek zazpi kartak dituztenean, banatzaileak karta-sortako hurrengoa agerian jarriko du tapetearen erdian eta karta-sortaren alboan.

Kartak jokatu

Karta banatzailearen eskuinean dagoenak emango dio eskuari hasiera. Honek erabakiko du bere kartak lotzearen helburua betetzeko komenigarria zaion agerian dagoen karta ala estalirik dauden karta-sortatik hurrengoa hartzea.

Karta horietako bat hartu duelarik (ondorioz eskutan 8 dituelarik), eskutan dituenetako bat bota beharko du, agerian dagoen kartaren gainean utzirik (hau ere agerian).

Datozen txandatan ere, jokalariek karta bat hartu eta botatzearen mugimendu hau burutu beharko dute.

Eskua bukatu baino lehen, estalirik dauden karten sorta kartarik gabe geratzen bada, jaurtitako karten sorta hartuko da, eta behin berriz nahasi eta gero estalirik dauden karta sorta berria ezarriko da.

Kartak lotu

Txintxon jokorako, karta-sortako karten ordena honako hau da, balio txikienetik handienera:

  • 40 kartako karta-sorta: 1, 2, 3, 4, 5, 6, 7, txanka, zaldia, erregea.
  • 48 kartako karta-sorta: 1, 2, 3, 4, 5, 6, 7, 8, 9, txanka, zaldia, erregea.

Esku bakoitzean, jokalari bakoitzak bere kartak lotzeko helburua dauka. Kartak lotzea, ondorengo erizpideak jarraitzen duten taldeak osatzea da, beti gutxienez hiru kartako taldeak izanik:

  • Indize bereko kartak.
  • Eskailera bat osatzen duten kartak (ondoz-ondoko indizeak dituzten palo bereko karta taldea).

Partida komodinekin (birekin) jokatzea erabakitzen bada, hauek beste edozein karta ordezkatu ahal izango dute. Komodina duen jokalaria izango da zein karta ordezkatuko duen erabakiko duena, eskutan dituen gainontzekoen karten arabera, hauek elkar lotzeko erabiliz. Lotutako karta taldetan beti komodinak ez diren bi karta egon behar dute gutxienez.

Eskua itxi

Jokalari batek bere txandaren batean (edozeinetan), soberako kartaz desegiterako unean eskua itxi ahal izango du karta guztiak lotuta baditu (hirukote eta laukote batez edo guztiak loturik dituen zazpikote batez osaturik) edo karta bat kenduta guztiak loturik baditu, lotu gabeko karta honek lauko balioa ala txikiagoa izan behar duelarik (karten balioa beren indizearen berdina da, txanka, zaldia eta erregearena ezik, azken hauen balioa 10 puntutakoa delarik).

Eskua isteko, eskutik kanporatzera doan karta agerian dauden karten sortan gainean ipiniko du, baina kasu honetan estalirik, eta jarraian bere jokaldia erakutsiko du bere kartak agerian utziz.

Ludotekan eskua isteko giltzarrapoaren gainean klik egin beharko da bota behar den karta jaurti aurretik.

Eskuaren lehenengo itzulian ezin da itxi.

Gerta daiteke jokatzen den eskua denbora luzez luzatzea, jokalariak beste jokalariak dituzten karten zain geratzen direlako; kasu hauetan, eskua automatikoki itxiko da estalitako karten sorta lau aldiz agortzen denean.

Kartak ipini

Txintxon jokoan, jokalariren batek eskua isten duenean, gainontzeko jokalarien helburua ahalik eta puntu kopuru txikiena batzea izango da. Horretarako, jokalariek, isten duenatik hasita eta jokoan jarraitutako orden berean, lortutako karta taldeak agerian uzten joango dira.

Behin jokalariak berak lotutako karta taldeak azaldu dituenean, agerian dauden gainontzeko jokalarien taldeekin lotu ditzakeen bere kartak ipiniko ditu. Hau soilik egin daiteke itxi duenak isterako unean eskutan kartaren batekin geratu bada.

Mugimendu automatikoen aukera aktibaturik izanez gero (), kartak ateratzearen prozesua programak egingo du. Kartak lotzeko aukera edo konbinaketa ezberdinak baldin badaude, programak puntu gutxien batzea suposatuko duen aukera hartuko du, jokalarien eta ordurarte agerian dauden karta taldeak kontutan harturik.
Prozesu honek jokoa azkartzen du, eta egoera gehienetan eraginkorra izaten da, baina ez beti; jokalariak tresna honetaz ez baliatzea erabaki dezake, bestelako karta konbinaketa bat atera ahal izateko kartaren bat gordez, beste jokalariren bati fabore ez egiteko, edo baita beranduago agerian jarriko diren talderen batean jarri ahal izateko. Horrela izanez gero:

  • Eskutan loturik ditugun kartak, beste jokalariek erakutsitako taldetan sartzeko ditugun kartak baino lehenago erakutsi behar dira.
  • Kartak, atera beharreko orden berean (eskaileren kasuan, txikienetik handienera) markatu beharko dira; unean erakusten ari den karten taldea markaturik geratzen da.
  • Erakusteko dagoen hurrengo karta ezinbestekoa bada, programak zuzenean mugimendua burutuko du.
  • Jokalariak bukatutzat ematen duenean karta talde baten ateratze fasea, eskuinean dagoen ikonoa sakatu beharko du (), talde horretan karta gehiago jarri ezin deneko kasuetan ezik.
  • Aurretik erakutsitako karta taldetan karta ipini nahi denean, aukera bat baino gehiago baldin badago, karta markaturik geratuko da eta ipini nahi den lekuaren alboko kartan klik egin beharko da.
  • Jokalari batek, aurretik erakutsi diren talderen batean jarri daitekeen kartaren bat baldin badu, baina aldiz kartak ipintzeko fasea bukatutzat eman nahi badu, eskuinean dagoen ikonoan klik egin beharko du ().

Eskuaren kontaketa

Itxi duenak karta guztiak lotuta baditu, ondorengo baldintzen arabera puntuazio negatiboa lortuko du:

  • Bi karta talderekin (hirukote bat eta laukote bat) -10 izango da.
  • Bi komodinak dituen zazpi kartako eskailerarekin -25 izango da.
  • Komodin bakarreko zazpi kartako eskailerarekin -50 izango da.
  • Komodinik gabeko zazpi kartako eskailerarekin (txintxon) zuzenean partida irabaziko du.

Behin jokalariek karta posible guztiak ipinita dituztenean, bakoitzak, oraindik ipini gabe dituen karten puntuak batuko ditu, ordurarte partidako tanteoari gehituz.

Kanporaketak eta itzulerak

Jokalariren batek partidako muga gainditzen duenean, bertatik kanporatua izango da. Partidaren hasieran itzulera kopururen bat finkatua izan bada, jokalaria kanporatua izaten den unean partidara itzuli ahal izango da kopuruan finkatutako adina aldiz, eta itzultzerakoan, une horretan puntuaketarik altuena duen puntu kopuruarekin egingo du.

Jokalariren batek esku berean jokalari guztiak kanporatzea lortzen badu partida irabaziko du, nahiz eta jokalariek oraindik beren itzulera aukera guztiak agortuak ez izan.

Kanporatzeko mugatik gertu dagoen jokalari batek ezingo du eskua itxi, eskutan geratzen zaion kartarekin muga gainditzen badu.

Bi jokalari arteko partidetan ezingo dira itzulerak erabili.

Partidaren amaiera

Txintxon jokoan gainontzeko jokalari guztiak kanporatzea lortzen duen jokalaria izango da partidaren irabazlea.

Ludotekan jokatu

Online jokatu beste jokalariekin

Jokatu bakarrik: txintxon

Informazio gehiago

Acanomas: Chin chon

Gora

Copyright © 2001-2017 Ludoteka.com  Jokosare S.L.  Eskubide guztiak erreserbatuak - Lege-oharra